Англия Премьер-лигасида ёзги трансферлар бозори қизғин паллага кирган бир пайтда, «Ньюкасл Юнайтед»нинг швед ҳужумчиси Александр Исак атрофидаги хабарлар янада қизиқиш уйғотмоқда.
Клуб раҳбарияти ўз тўпурарини сотиш бўйича қатъий қарорга келган ва унинг янги манзили сифатида «Ливерпул» асосий даъвогар сифатида кўрилмоқда. Манбаларга кўра, «Ньюкасл» Исак учун 150 миллион евро миқдорида нарх белгилаган. Агар мерсисайдликлар бу суммага розилик билдирса, йирик трансфер ёзда амалга ошиши мумкин.
Маълум қилинишича, икки клуб ўртасида янги келишув юзасидан музокаралар бошланиши арафасида. Шу билан бирга, «Ньюкасл» аввалроқ «Ливерпул»нинг 120 миллион евролик таклифини рад этгани эслатиб ўтилди.
Шу тариқа, Премьер-лига тарихидаги энг йирик ва шов-шувли трансферлардан бири амалга ошиши мумкин. Мухлислар эса Исакнинг кейинги қадамларини катта қизиқиш билан кузатмоқда.
«Замин»ни Telegram’да ўқинг!
