Португалия футбол федерацияси расмий баёнот орқали миллий терма жамоанинг сентябрь ойидаги ўйинларда майдонга тушадиган футболчилар таркибини очиқ қилди. Чақирув рўйхати янада қизиқарли кўринишга эга бўлиб, унда ҳам тажрибали юлдузлар, ҳам ёш истеъдодлар ўрин олган.
Дарвозабонлар қаторини Диогу Кошта («Порту»), Руй Силва («Спортинг») ва Жозе Са («Вулверхэмптон») тўлдирди. Улар миллий жамоа посбонлиги учун асосий номзодлар сифатида қайд этилди.
Ҳимоя чизиғи ҳам анча кучли шаклланди. Диогу Дало («Манчестер Юнайтед»), Жоау Канселу («Ал Ҳилол»), Рубен Диаш («Манчестер Сити»), Ренату Вейга («Вильярреал»), Антониу Силва («Бенфика»), Нуну Мендеш (ПСЖ) ва Гонсалу Инасиу («Спортинг») рақиб ҳужумларини тўхтатиш учун асосий ишончга сазовор номлар бўлади.
Ярим ҳимоячилар сафи эса янада таъсирчан. Жоау Пальинья («Тоттенҳэм»), Жоау Невеш ва Витинья (иккаласи ҳам ПСЖ сафидан), Рубен Невеш («Ал Ҳилол»), Бруну Фернандеш («Манчестер Юнайтед») ҳамда Бернарду Силва («Манчестер Сити») майдон марказида жамоанинг ҳаракат моторига айланиши кутилмоқда.
Ҳужумчилар эса Португалия сафини янада ёрқин қилади. Жаҳон футболи афсонаси Криштиану Роналду («Ал Наср») билан бир қаторда, Педру Нету («Челси»), Франсиску Тринкан («Спортинг»), Франсишку Консейсау («Ювентус»), Гонсалу Рамуш (ПСЖ), Педру Гонсалвеш («Спортинг») ва Жоау Феликс («Ал Наср») рақиб дарвозалари учун жиддий хавф туғдиради.
Муттахассислар фикрича, ушбу таркиб Португалия учун Европа ва жаҳон саҳнасида жиддий рақобатбардош куч бўлиб хизмат қилади. Мухлислар эса Роналду ва ёш юлдузларнинг бирга қайси даражада ўйин намойиш қилишини қизиқиш билан кутишмоқда.
«Замин»ни Telegram’да ўқинг!
