Кака мураббийлик фаолиятига қадам қўйишни хоҳлаяпти

Бразилия терма жамоасининг таниқли собиқ ярим ҳимоячиси Кака келажакда мураббийлик қилиш истагини билдирди.

Лиссабонда ўтказилган хайриявий ўйинда кўплаб футбол афсоналари қаторида 43 ёшли Кака ҳам майдонга тушди. У 2017 йилда профессионал фаолиятини якунлаганига қарамай, футболга муҳаббати ҳануз кучли.

"Мен учун футбол ҳаётимнинг ажралмас қисми. Ҳар гал майдонга кирганимда ўзига хос ҳиссиётларни бошдан кечираман. Бир кун келиб мураббий сифатида иш бошлашни хоҳлардим. Бу мен учун улкан ва қийин синов бўларди", – дея Каканинг сўзларини PianetaMilan La Gazzetta dello Sport нашри келтиради.

Кака ўз карьерасини Бразилиянинг "Сан-Паулу" клубида бошлаб, кейин "Милан", "Реал" ва "Орландо Сити" жамоалари шарафини ҳимоя қилган.

Эслатиб ўтамиз, у 2007 йилда "Олтин тўп" совринини қўлга киритган эди.

Чарос Заркараева

«ЗАМИН.УЗ» муҳаррири