Англия футболидаги афсонавий ҳужумчи Уэйн Руни яқиндагина ўтмишдош жамоадоши Криштиану Роналду ҳақидаги ўз муносабатини аниқ қилиб айтди. Унинг таъкидлашича, португалиялик юлдуз билан ўртасида ҳеч қандай душманлик ёки ёмон кўриш йўқ, аксинча у Роналдуга чуқур ҳурмат қилади.
Эслатиб ўтамиз, 2006 йилги Жаҳон чемпионатида Англия ва Португалия термалари ўртасидаги кескин тўқнашувдан кейин Руни ҳамда Роналдунинг муносабатлари ҳақида кўплаб саволлар пайдо бўлган эди. Чунки ўша пайтда улар иккаласи ҳам «Манчестер Юнайтед» сафида тўп сурарди. Кейинчалик матбуотда Рунининг интервьюлари уларнинг муносабатларини ёмонлаштиргани ҳақида кўп ёзилган.
Бироқ Руни бу фикрларни инкор этди:
«Одамлар мени Роналдуни ёмон кўради деб ўйлашади. Лекин бу мутлақо хато. Мен унга доим катта ҳурмат билан қараганман. У ноёб иқтидор соҳибидир, майдонда қилаётган ишлари ҳақиқатан ҳам ақлга сиғмайди.
У билан бирга ўйнаш мен учун улкан шараф бўлган. Биз жуда яқин дўст бўлганмиз, одамлар бунга ишониши қийин бўлиши мумкин. Мен фақат Мессини айрим жиҳатларда Роналдудан устун деб ҳисоблагандим, шу гапларим ортидан мени Криштиануга қарши қўйишди. Аслида мен Мессини ҳам, Роналдуни ҳам яхши кўраман. Улар футбол тарихининг энг буюкларидан саналади».
Рунининг таъкидлашича, Роналдунинг асосий устун жиҳати унинг характерида ва майдондаги қатъиятида. «Криштиану майдонда қотил каби қатъиятли. У ҳеч қачон енгилмасликка ҳаракат қилади. Месси техник жиҳатдан озгина устун бўлиши мумкин, лекин Роналдунинг ғалабага бўлган чанқоқлиги ҳақиқатан ҳам ҳайратланарли», – деди собиқ ҳужумчи.
Шу тариқа, Уэйн Руни Роналду билан муносабати ҳақидаги барча турли миш-мишларга аниқ нуқта қўйди ва мухлисларга уларнинг ўртасида ҳеч қандай ёмонлик йўқлигини англатди.
«Замин»ни Telegram’да ўқинг!
