“Барселона” бош мураббийи Ханс-Дитер Флик Ла Лиганинг 8-турида “Севилья”га қарши кечган нохуш натижадан сўнг жамоага яқинларни тинчлантирувчи баёнот берди. Унинг сўзларича, мағлубиятни реал қабул қилиш, хулоса чиқариш ва тезроқ тикланиш энг муҳим вазифа.
Флик биринчи бўлимда жамоа кўплаб ноаниқ қарорлар қабул қилгани, рақиб эса агрессив босим ва тезкорлик ҳисобидан устунликка интилганини қайд этди. Иккинчи бўлимда эса “блауграна” ўйин тезлигини ошириб, ташаббусни қўлга олишга уриниб, бир қанча хавфли ҳужумлар яратгани, аммо рақиб имкониятларини яхшироқ амалга оширганини таъкидлади.
Мураббий октябр ойидаги терма жамоалар танаффуси “Барселона” учун руҳий ва жисмоний қайта тикланиш имконини беришини айтиб, футболчилар миллий жамоалардан қайтар-қийтмас, кайфият ва формани энг юқори чўққига олиб чиқиш устида қаттиқ меҳнат қилишларини билдирди. “Биз мухлислар учун ўйнаймиз. Ҳозир энг тўғри йўл — мағлубиятни қабул қилиш, бирдамликни сақлаш ва олдинга қараш,” деди Флик.
У шогирдлари билан қўйилган прессинг, биринчи пасдан чиқиш, ўтиш фазаларидаги хатолар ва таймлар орасидаги интизомни алоҳида таҳлил қилишини, шу орқали жамоа барқарорлигини оширишни режалаштираётганини қўшимча қилди. “Биз яхши жамоамиз. Танаффусдан кейин ҳар бир соврин учун курашамиз,” — дея фикрини якунлади мутахассис.
Маълумот учун, каталонияликлар 8-турдан сўнг 19 очко тўплаб, турнир жадвалида 2-ўринни эгаллаб турибди.
“Zamin”ни Telegram'да ўқинг!
