Криштиану Роналду яна бир бор тарихга ёзилди. Португалиялик юлдузнинг бойлиги 1,4 миллиард доллар деб баҳоланди ва у футбол тарихидаги илк миллиардер спортчига айланди.
Маълумотга кўра, Роналдунинг бойлиги илк бор индексга киритилди ва у узоқ йиллик рақиби Лионель Мессидан ўтиб, спорт оламининг энг даромадли футболчиси сифатида тан олинди.
Роналдунинг молиявий ютуқлари катта маошлар, реклама келишувлари ва шахсий бизнеслардан шаклланган. 2023 йилда Саудия Арабистонининг “Ал Наср” клубига ўтганидан сўнг, унинг йилига даромади 200 миллион долларга етди.
Nike, Armani ва Castrol билан ҳамкорликлар Роналдуга катта маблағ олиб келмоқда. Шунингдек, у CR7 бренди орқали меҳмонхона, спортзал ва кийим-кечак тармоқларига эгалик қилади.
Футболчи ижтимоий тармоқларда ҳам етакчи — Instagram’да 660 миллиондан ортиқ обуначига эга.
Яқинда у Portugal Football Globes маросимида Prestij мукофотига сазовор бўлиб, яна бир бор ўзининг дунёдаги нуфузини исботлади.
“Zamin”ни Telegram'да ўқинг!
