Мадриднинг “Реал” клуби “Манчестер Сити”нинг норвегиялик супертўпурари Эрлинг Холанд билан қизиқиш билдирмоқда. Испания гранди уни келаси мавсумда жамоага қўшиш ниятида экани маълум қилинди.
Caught Offside нашрининг ёзишича, “қироллик клуби” аллақачон Холанднинг вакиллари билан дастлабки музокараларни бошлаган. Мақсад — трансфер битими учун замин яратиш.
Маълумотларга кўра, “Реал” норвегиялик юлдузни бразилиялик ҳужумчи Винисиус Жуниор сотилиши орқали олинадиган маблағ ҳисобидан харид қилишни режалаштирмоқда. Саудия Арабистони клубларидан бири Винисиус учун тахминан 250 миллион евро таклиф этишга тайёрлиги айтилмоқда.
Ҳозирги пайтда Эрлинг Холанднинг “Манчестер Сити” билан тузилган шартномаси 2034 йилнинг ёзигача амал қилади. Футболчининг бозор қиймати эса 180 миллион евро атрофида баҳоланмоқда.
Агар музокаралар муваффақиятли якун топса, “Реал Мадрид” янги ҳужумчи орқали янада кучли ва рақобатбардош жамоа шакллантириши кутилмоқда.
“Zamin”ни Telegram'да ўқинг!
