"Ливерпул" клуби марказий ҳимоячиси Виржил ван Дейк жамоанинг "Манчестер Юнайтед"га қарши ўйиндан кейинги ҳолати ҳақида гапирди. 18 октябрь куни Арне Слот бошчилигидаги "Ливерпул" ўз майдонида "қизил иблислар"га 1:2 ҳисобида ютқазди.
Euro-football.ru ёзишича, ван Дейк бу мағлубиятдан сўнг жамоа йиғилганини, аммо бу инқироз мажлиси бўлмаганини таъкидлади. Унинг сўзларига кўра, футболчилар мураббий билан бирга вазиятни тўлиқ таҳлил қилишди.
Шунингдек, жамоа аъзолари алоҳида учрашув ҳам ўтказишди ва ван Дейк ўз фикрларини билдиришни истади. У жамоада муҳокама ва таҳлил жараёни очиқ ўтганини қайд этди.
Англия Премьер-лигасининг саккиз туридан сўнг "Ливерпул" 15 очко билан турнир жадвалида тўртинчи ўринда бормоқда. Клуб кейинги ўйинларда натижани яхшилашни мақсад қилган.
