"Милан" бош мураббийи Массимилиано Аллегри "Аталанта" билан бўладиган ўйин олдидан матбуот анжуманида иштирок этди. А Сериянинг тўққизинчи тур учрашуви бугун, 28 октябр куни бўлиб ўтади.
"Биз терма жамоа учрашувлари учун танаффусга энг яхши формада етиб боришни истаймиз. Декабр ойини чемпионат жадвалида яхши ўринда якунлашга интиламиз.
Олдинлари биз мукаммал ўйин кўрсатмагандик, лекин ҳозир ҳам заиф эмасмиз. Гапириш эмас, ҳаракат қилиш керак", — деди Аллегри жамоа расмий сайтига берган интервьюсида.
"Аталантада жисмоний ва техник имкониятлар бирдек юқори. Бергамода ўйнаш ҳар доим қийин кечади. Биз топ-4 учун курашаётган жамоага қарши баҳс олиб борамиз", — дея таъкидлади Аллегри.
8 турдан кейин "Милан" 17 очко жамғариб, А Серия турнир жадвалининг учинчи ўрнида бормоқда. "Аталанта"нинг ҳисобида эса 12 очко бўлиб, улар еттинчи ўринни эгаллаб турибди.
“Zamin”ни Telegram'да ўқинг!
