Зиркзее Англия Премьер-лигасининг уч клубига қизиқиш уйғотди
Манчестер Юнайтед ҳужумчиси Джошуа Зиркзее ўйин амалиёти етишмагани сабаб январ ойида клубни тарк этиши мумкин. Қишки трансфер ойнасида Астон Вилла, Брайтон ва Ғарбий Хем 24 ёшли нидерландиялик футболчига қизиқиш билдирмоқда. Бироқ бош мураббий Рубен Аморим Зиркзеени мавсум давомида қўйиб юбормаслигини маълум қилган. Трансфермаркт ҳужумчининг қийматини 28 миллион евро деб баҳоламоқда.
Манчестер Юнайтед ҳужумчиси Джошуа Зиркзее ўз фаолиятини бошқа Англия Премьер-лигаси клубида давом эттириши мумкин. 24 ёшли футболчи ўйин амалиёти етишмаслигидан азият чекмоқда ва шу сабабдан январ ойида "қизил иблислар"ни тарк этиши мумкинлиги ҳақида миш-мишлар тарқалган.
CaughtOffside нашрига кўра, қишки трансфер ойнасда Астон Вилла ва Брайтон клублари Ғарбий Хэм билан бирга нидерландиялик футболчи учун кураш олиб боришга тайёр. Бироқ трансферни амалга ошириш осон бўлмайди, чунки Манчестер Юнайтед бош мураббийи Рубен Аморим Зиркзеени мавсум давомида қўйиб юбормаслигини маълум қилган.
Transfermarkt портали ҳужумчининг қийматини 28 миллион евро деб баҳоламоқда.
Изоҳлар 0
…