Испания терма жамоаси футболчиси Дани Ольмо 2026 йилги Жаҳон чемпионати саралаш босқичининг сўнгги турида Туркия билан 2:2 ҳисобида дуранг ўйнаган ўйиндан сўнг ўз фикрларини билдирди. "Барселона" вакили ўйиннинг 4-дақиқасида меҳмонлар дарвозасини ишғол қилган бўлса-да, "қизил фурия" ғалаба қозона олмади.
Бу натижа испанияликларнинг ушбу саралаш босқичидаги ягона муваффақиятсиз ўйини бўлди. Шунга қарамай, Луис де ла Фуэнте жамоаси гуруҳда биринчи ўринни эгаллаб, мундиалга тўғридан-тўғри йўлланма олди.
"Бу яхши натижа, чунки Жаҳон чемпионатига чиқдик, лекин биз ғалаба қозонишни хоҳлаган эдик. Нима бўлганда ҳам бу натижани нишонлашга арзийди, аммо дуранг бизда озгина аччиқ туйғу қолдирди", – дейди Дани Ольмо "The Touchline" нашрига берган интервьюсида.
Испания терма жамоаси 16 очко тўплади, Туркия эса 13 очко билан иккинчи ўринни эгаллади. Гуруҳда учинчи ва тўртинчи ўринларни 3 очкодан тўплаган Грузия ва Болгария эгаллади.
Меҳмон гуруҳидаги фойдаланувчилар ушбу мақолага изоҳ қолдира олмайди.
