2025 йил футбол дунёсида кутилмаган рекорд кузатилди — “Барселона”нинг 18 ёшли тезкор ва иқтидорли вингери Ламин Ямалнинг формаси жаҳонда энг кўп сотилган футбол либоси сифатида қайд этилди. Ушбу натижа билан у ҳатто глобал маркетинг кучига эга Лионель Мессидан ҳам ўтиб кетди. Бу ҳақда “Score 90” нашри ўзининг сўнгги таҳлилида маълум қилди.
Тадқиқот натижаларига кўра, Ламин Ямал номига эга футболкалар 1,315 миллион дона миқдорда сотилган. Бу — ёш футболчи учун нафақат маркетингда, балки жаҳон миқёсидаги танилишда ҳам муҳим босқич бўлди.
Иккинчи ўринни эса аргентиналик афсона Лионель Месси эгаллади. Унинг “Интер Майами” ва Аргентина терма жамоаси формалари жами 1,278 миллион дона харид қилинган. Мессининг сотувдаги бу юқори кўрсаткичига қарамай, Ямал уни енгиб ўтгани футбол оламида катта муҳокамага сабаб бўлди.
Учинчи ўринга Польша ҳужумчиси Роберт Левандовски жойлашди — унинг формаси 1,110 миллион дона сотилган. Топ-5ликни esa “Реал Мадрид” юлдузлари тўлдирган: Килиан Мбаппе 1,020 миллион, Винисиус Жуниор эса 992 минг дона форма сотуви билан кейинги ўринларни эгаллади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
