Арсенал ва Челси дербиси дуранг билан якунланди
Англия Премер-лигасида Челсеа ва Арсенал дербиси 1:1 ҳисобида ду ранг билан якунланди. Ўйин давомида Челсеа биринчи бўлимда қизил карточка олди, аммо иккинчи бўлимда гол урди. Арсенал эса тезда жавоб қайтариб, ҳисобни тенглаштирди. Натижада Арсенал 30 очко билан биринчи ўринда, Челсеа эса 24 очко билан учинчи ўринда қолмоқда.
Англия Премер-лигасида Челси ва Арсенал дербиси кутилганидек қизиқарли ва кескин кечди. Ҳар иккила жамоа Европа Чемпионлар Лигаси доирасида Бавария (3:1) ва Барселона (3:0) устидан ғалаба қозонганидан сўнг, Премер-лига ўйинларига эътибор қаратишлари керак эди.
Ўйиннинг биринчи бўлими Стэмфорд Бриж стадионида тактик кураш ва қаттиқ ўтган тўқнашувлар билан ёдда қолди. Биринчи бўлимда гол киритилмади, аммо ҳакам бешта сариқ ва битта қизил карточка кўрсатишга мажбур бўлди.
38-дақиқада VAR тизими ёрдамида Челси футболчиси Мойсес Кайседо қизил карточка билан майдондан четлатилди. Шунга қарамасдан, Челси иккинчи бўлим бошида ҳисобни очди.
Трево Чалоба бурчак тўпидан кейин боши билан чиройли гол уриб, жамоасини олдинга олиб чиқди. Аммо Арсенал 59-дақиқада жавоб берди — Букайо Сака узатмасидан сўнг Микель Мерино бош билан дарвозани ишғол қилди.
Ўйин давомида жамоалар кўпроқ хавфсиз ўйин намойиш этишди ва якунда 1:1 ҳисобида дуранг қайд этилди. Мазкур натижадан сўнг, Арсенал 30 очко билан турнир жадвалида биринчи ўринда қолмоқда.
Челси эса 24 очко билан учинчи поғонада. Улар орасида 25 очкога эга бўлган Манчестер Сити жойлашган.
Изоҳлар 0
…