Мадриднинг "Реал" клуби ҳужумчиси Винисиус Жуниор бразилиялик ҳамюрти Неймар томонидан келажаги борасида муҳим маслаҳат олди. 25 ёшли футболчининг "қироллик" клубидаги келажаги ҳали ҳам номаълум.
Миш-мишларга кўра, томонлар янги шартнома шартларини келишиб ололмаяпти. Шу сабабли, мавсум тугагач, Винисиус клубни тарк этиши мумкин.
Трансфер Ньюс Лайв манбасига таяниб OK Diario хабарига кўра, Неймар Винисиусни ўз хатосини такрорламасликка ва "Реал" билан шартномани узайтиришга ундаган. Неймарнинг "хатоси" деганда унинг "Барселона"ни тарк этиб, рекорд даражадаги 222 миллион евро эвазига "ПСЖ"га ўтганини назарда тутишади.
Кейинчалик, у бу қароридан афсусланганини тан олган. Эслатиб ўтамиз, Винисиус Жуниорнинг Мадрид клуби билан амалдаги шартномаси 2027 йилнинг ўртасигача мўлжалланган.
Меҳмон гуруҳидаги фойдаланувчилар ушбу мақолага изоҳ қолдира олмайди.
