Винисиус "Реал"нинг йирик ғалабасини баҳолади

Мадриднинг "Реал" клуби ҳужумчиси Винисиус Жуниор Ла Лига доирасида "Атлетик" Бильбао жамоаси устидан қозонилган 3:0 ҳисобидаги ғалабадан сўнг ўз муносабатини билдирди. Хаби Алонсо бошқарувидаги жамоа ушбу ғалабани Килиан Мбаппе томонидан киритилган дубль ва Эдуардо Камавинганинг голи орқали қўлга киритди.

"Бу – "Мадрид". Голлар қайтаяпти.

Энди якшанба куни уйда учрашамиз. Hala Madrid", – дея ўз фикрларини билдирди бразилиялик футболчи, у учрашувда 78-дақиқагача майдонда ҳаракат қилган эди.

"Реал" сафарда кетма-кет олти ўйинда майдонга тушди. 7-декабр куни "қироллик клуби" "Сантьяго Бернабеу" стадионига қайтиб, "Сельта" жамоасига қарши ўйин ўтказади.

Жорий Испания чемпионатида Винисиус ҳисобида бешта гол ва тўртта голли узатма мавжуд.