“Верона” “Аталанта”ни мағлуб этди

Инқирозда бўлган “Аталанта” жамоаси шанба куни А Сериянинг сўнгги ўрнида бораётган “Верона” меҳмони бўлди. Бергамоликлар тўпни кўп назорат қилишди, аммо бу уларга натижа бермади.

28-дақиқада мезбонлар ҳужумининг иккинчи тўлқинида Рафик Белгали Даниэль Москеранинг узатмасини аниқ якунлаб, ҳисобни очди — 1:0. Орадан саккиз дақиқа ўтиб, Жованни тўпни қайтадан олиб, дарвозага йўллади — 2:0.

73-дақиқада қарши ҳужум чоғида Жованни Антуан Бернедуга ассистентлик қилиб, ҳисобни 3:0 кўринишга олиб келди. Меҳмонлар сафида омадсиз ўйин ўтказган Жанлука Скамакка ўйинга интрига қайтариши мумкин эди, аммо унинг зарбаси тўсинни нишонга олди.

Шунингдек, меҳмонларга пенальти белгиланди ва Скамакка жарима зарбасини аниқ амалга оширди — 3:1. Шу натижа билан “Верона” энди сўнгги ўринни тарк этиб, охирги ўриндан бир поғона юқорига кўтарилди.

“Аталанта” эса 12-ўринда қолмоқда. “Zamin”ни Telegram'да ўқинг!