Манчестер Юнайтед жамоасининг таянч ярим ҳимоячиси Мануэль Угарте қишки трансфер ойнасида клубни тарк этишни режалаштирмоқда. Бу ҳақда журналист Эрол Евсен хабар берди.
Манбага кўра, Галатасарай клуби Угарте ўйинларини яқиндан кузатмоқда. Туркия жамоаси футболчини ижарага олиш ёки тўлиқ харид қилишга тайёр.
Гарчи Угарте илгари Рубен Аморим қўл остида Спортинг жамоасида яхши ўйнаган бўлса-да, Олд Траффорддаги ўйинлари мураббийни қониқтирмаган. Жорий мавсумда 24 ёшли уругвайлик футболчи Англия чемпионатининг ўнта ўйинида майдонга тушган, бироқ голларга ёки ассистларга эриша олмаган.
Унинг Манчестер Юнайтед билан шартномаси 2029-йилнинг июн ойида якунланади. Трансфермаркт портали футболчининг трансфер қийматини 35 миллион евро деб баҳоламоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
