Transfermarkt сайтида Англия Премьер-лигасида ўйнаётган футболчиларнинг трансфер қийматлари янгиланди. Олдинги хабарларда айтиб ўтганимиздек, АПЛнинг энг кўп қимматлашган футболчилари Эрлинг Холанд ва Эстевао бўлди.
Бироқ баҳолаш натижаларига кўра, энг кўп арзонлашган футболчилар рўйхатида “Ливерпул”нинг ёзги икки янги ўйинчиси Александр Исак ва Флориан Вирц етакчилик қилмоқда. Швециялик ва немис футболчиларининг қиймати 20 миллион еврога пасайди.
Энди Исакининг қиймати 120 миллион евро, Вирцники эса 110 миллион евро қилиб баҳоланяпти. АПЛнинг кейинги энг кўп арзонлашган футболчилари рўйхатида Алексис Мак Аллистер, Родри ҳамда Муҳаммад Салоҳ учинчи ўринни бўлишмоқда.
Уларнинг янги трансфер қийматлари мос равишда 85, 75 ва 30 миллион еврони ташкил этмоқда. Ҳар бир футболчининг қиймати 15 миллион евродан пасайган.
Меҳмон гуруҳидаги фойдаланувчилар ушбу мақолага изоҳ қолдира олмайди.
