Манчестер Сити ҳужумчиси Эрлинг Ҳоланд ўзининг самарадорлиги ҳақидаги саволга жавоб берди. Чоршанба куни норвегиялик футболчи пенальтидан гол уриб, шунингдек, Чемпионлар лигаси доирасидаги ўйинда "Реал Мадрид"ни Сантьяго Бернабеуда 2:1 ҳисобида мағлуб этишда жамоасига ёрдам берди.
Ҳоланд Чемпионлар лигасидаги 54 ўйинда 55 та гол уришга муваффақ бўлди. АПЛда эса у яқинда 100 та гол уриш чегарасини забт этди, буни атиги 111 та ўйинда амалга ошириб, рекорд натижани қайд этди.
Журналистлар Ҳоланддан инглиз футболидаги барча тўпурар рекордларни янгилаш имконияти ҳақида сўрашди. "Менинг узоқ муддатли шартномам бор, ўйинимдан завқ оляпман, яхши футбол кўрсатяпман ва ажойиб жамоадошларим бор.
Агар гапларимни чуқурроқ ўйлаб кўрсангиз, жавобимни тушунишингиз мумкин. Аммо камтар бўлиш, енгил тортиб, келажакка ҳаддан ташқари ўтиб кетмаслик керак", - дея CBS Sportsга берган интервьюсида фикр билдирди Ҳоланд.
Якшанба куни "Манчестер Сити" Англия Премьер-лигаси доирасида "Кристал Пэлас"га қарши майдонга тушади.
Меҳмон гуруҳидаги фойдаланувчилар ушбу мақолага изоҳ қолдира олмайди.
