Эвертон бош мураббийи Дэвид Мойес жамоасининг еврокубоклар йўлланмалари учун кураши ҳақида фикр билдирди. Ҳозирда мерсисайдликлар Англия Премьер-лигаси турнир жадвалида 9-ўринда бормоқда.
Мойеснинг таъкидлашича, ҳар бир ғалаба жамоада еврокубоклар учун курашиш имконияти бор, деган ишончни кучайтиради, аммо мағлубиятлар эҳтиёткорроқ бўлиш кераклигини эслатади. Мураббий бу мавсум Премьер-лигада вазият ўта ўзгарувчан эканини қайд этиб, Эвертон ҳозирча яхши иш олиб бораётганини айтди.
Шунингдек, у сўнгги беш учрашувнинг тўрттасида ғалаба қозонилгани жамоани қулай ҳолатга олиб келганини, бироқ бир-икки ўйиннинг ўзи ҳаммасини ўзгартириб юбориши мумкинлигини урғулади. Мойеснинг сўзларига кўра, агар Эвертон Челси устидан ҳам ғалаба қозонганида, жамоа 4 ёки 5-ўринга кўтарилиб олиши мумкин эди.
Мураббий мавсум давомида шундай имконият яна пайдо бўлишига умид билдирди. “Мен еврокубокларни орзу қиламан, лекин реалистман.
Тўрт-беш ўйинда ютқазсангиз, жадвалнинг бошқа томонига тушиб қолишингиз мумкин”, деди Мойес журналистларга. 20 декабрь, шанба куни Эвертон ўз майдонида Арсенални қабул қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
