Россия терма жамоасининг собиқ футболчиси Александр Кержаков ФИФА Германия – Россия учрашувидаги баҳсли гол муаллифлигини қайта кўриб чиқиш бўйича қароридан кейин Валерий Карпиннинг фикрларига муносабат билдирди. Карпин вазиятни киноя билан изоҳлар экан, энди, эҳтимол, Кержаковни ҳам назорат қилиб туришга тўғри келишини айтганди.
Бунга жавобан Кержаков ҳазил оҳангида 2017 йилда футболчилик фаолиятини якунлаганидан бери 8,5 йилдан буён ўзини ўзи жуда яхши назорат қилиб келаётганини таъкидлади ва буни текширмоқчи бўлса, уни терма жамоанинг навбатдаги йиғинига чақиришни таклиф қилди.
"Валерий Георгиевич, мен фаолиятимни якунлаганимга 8,5 йил бўлди, шу вақт ичида ўзимни ўзим жуда яхши назорат қилиб келаяпман. Агар бунга ишонч ҳосил қилмоқчи бўлсангиз, мени терма жамоанинг кейинги йиғинига чақиринг", — деди дея Кержаковнинг сўзларини келтиради Sport24. Кержаков 43 ёшда.
У футболчилик фаолиятини 2017 йилда якунлаган. Эслатиб ўтамиз, ФИФА баҳсли гол муаллифи сифатида Кержаковни тан олди. Энди якуний қарор Россия футбол иттифоқи томонидан қабул қилинади.
Меҳмон гуруҳидаги фойдаланувчилар ушбу мақолага изоҳ қолдира олмайди.
