Россия терма жамоаси бош мураббийи Валерий Карпин FIFAнинг 2005 йилда ўтказилган Германия – Россия ўртоқлик учрашувидаги гол муаллифлигини қайта кўриб чиқиш қарорига муносабат билдирди. Гап 2:2 ҳисобида якунланган баҳснинг сўнгги дақиқаларидаги эпизод ҳақида бормоқда.
Ўша ҳужумда Андрей Аршавин ўнг қанотдан ўтиб кетди, Оливер Канни алдаб ўтди ва дарвозага зарба берди. Тўп дарвоза майдони чизиғи яқинида Александр Кержаков томонидан тўрга йўналтирилган.
FIFA гол муаллифи сифатида Кержаковни кўрсатди, бироқ якуний қарор Россия футбол иттифоқи ихтиёрида қолмоқда. Карпин вазиятга ҳазил аралаш муносабат билдириб, энди Кержаковнинг статистикаси ҳам диққат марказида бўлиши мумкинлигини англатди.
«Кўринадики, энди Кержаковни ҳам кузатишга тўғри келади. Фақат қаерда эканини билмайман», деб ёзди Карпин ижтимоий тармоқларда.
Агар Россия футбол иттифоқи голни тасдиқласа, Кержаков Россия терма жамоаси сафидаги голлари сони бўйича Артём Дзюба билан тенглашади: ҳар икки футболчида 31 тадан гол бўлади.
Меҳмон гуруҳидаги фойдаланувчилар ушбу мақолага изоҳ қолдира олмайди.
