10:48 / 09.02.2017
4 625

«Барселона» Луис Суареснинг қизил карточкаси юзасидан CAS'га мурожаат қилишга тайёр

«Барселона» Луис Суареснинг қизил карточкаси юзасидан CAS'га мурожаат қилишга тайёр
«Барселона» раҳбарияти "Атлетико"га қарши Испания кубогининг ярим финал жавоб ўйинида Луис Суаресга кўрсатилган қизил карточкани бекор қилиш юзасидан жиддий ишга киришди, деб ёзади Std.uz сайти.

Уругвайлик футболчи баҳснинг 90-дақиқасида тўп учун курашда қўли билан рақибнинг юзига теккани боис майдондан четлатилганди. Суареснинг ўзи ва клуб вакиллари бу вазиятда футболчи атайлаб зарба бериш мақсадида ҳаракат қилмаганини таъкидлашмоқда.

Дастлаб «Барселона» футболчининг четлатилиши юзасидан Испания футбол федерациясига шикоят беради. Агар жамоа талаби қондирилмаса, каталонияликлар Федерацияга апелляция тартибида мурожаат қилади. Шунда ҳам «Барселона»га рад жавоби берилса, клуби Лозанна шаҳридаги Спорт арбитраж судига мурожаат қилмоқчи.

Эслатиб ўтамиз, «Барселона» Испания кубоги финалига чиқди ва унда «Алавес»га қарши баҳс олиб боради. Луис Суареснинг қизил карточкаси бекор қилинмаса, футболчи финалда иштирок эта олмайди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)