Transfermarkt интернет-портали 2025 йил давомида ўз сайтида энг кўп томоша қилинган футболчилар рўйхатини эълон қилди. Ушбу рейтинг футбол ишқибозлари орасида қайси ўйинчиларга қизиқиш юқори эканини яққол кўрсатиб берди.
Маълум бўлишича, 40 ёшли Криштиану Роналду рўйхатда биринчи ўринни эгаллаб, ҳали-ҳамон энг катта эътибор марказида қолмоқда. Унинг ортидан 38 ёшли Лионель Месси жой олган бўлиб, икки афсона футбол оламида етакчиликни ҳеч кимга бериш ниятида эмаслигини яна бир бор исботлади.
Рейтингнинг учинчи поғонасидан эса ёш истеъдод — 18 ёшли Ламин Ямал ўрин олди. Унинг қисқа вақт ичида кучли учликка кириши мухлислар орасидаги қизиқиш кескин ошиб бораётганидан далолат беради.
Шу тариқа, тажриба ва ёшлик уйғунлиги 2025 йилда ҳам футбол мухлислари диққатини ўзига жалб қилишда давом этмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
