«Милан» ҳужумчиси Кристофер Нкунку «Верона» дарвозасига икки бор аниқ зарба йўллаб, клубнинг унга берган ишончи ва сарфланган маблағлар бежиз эмаслигини амалда кўрсата бошлади. Унинг сермаҳсул ўйини жамоа афсонаси, бутун фаолиятини «Милан»да ўтказган собиқ ҳимоячи Алессандро Костакурта эътиборидан ҳам четда қолмади. Бу ҳақда euro-football.ru хабар беради.
Костакуртанинг фикрича, Нкунку иқтидорли ва техник футболчи, бироқ у классик марказий ҳужумчи ролига мос эмас. «Уни кўп кузатмаганман, лекин у техник. Иккинчи бўлимда анча очилди, биринчи таймда кўринмади. Тўғри, биринчи бўлимда бутун «Милан» ҳам унчалик яхши ўйнамади», — деди Костакурта (pianetamilan.it).
«Милан» А Сериядаги навбатдаги учрашувини «Кальяри»га қарши ўтказади. Ўйин 2-январ куни бўлиб ўтади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
