«Ливерпул» ҳужумчиси Муҳаммад Салах яқин вақт ичида Саудия Арабистонига кўчиб ўтиши эҳтимоли паст. Декабр ойида матбуотда мисрлик юлдузнинг Европани тарк этиши ҳақида навбатдаги миш-мишлар тарқалган, бунга клуб ичидаги келишмовчиликлар ва бош мураббий Арне Слот билан муносабатлар совуқлашгани сабаб сифатида кўрсатилганди. Бу ҳақда euro-football.ru хабар беради.
The i Paper хабарига кўра, Салахнинг Слот билан алоқалари яхшилангач, Саудия чемпионати вакиллари ҳам қишки трансфер ойнасида футболчини кўндириб олишларига ишонмаяпти. Январ ойидаги келишув деярли истисно этилади — музокаралар, катта эҳтимол билан, ёзга қолдирилади.
Маълумки, Муҳаммад Салахнинг «Ливерпул» билан амалдаги шартномаси 2027 йилнинг ўрталаригача мўлжалланган. Transfermarkt баҳосига кўра, 33 ёшли футболчининг ҳозирги трансфер қиймати 30 миллион еврoни ташкил этади.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
