Саудия Арабистонида 6-24 январь кунлари ўтказиладиган U-23 Осиё Кубоги ёш футболчилар ўртасидаги мусобақа катта қизиқиш уйғотмоқда. Ўзбекистон U-21 терма жамоаси "C" гуруҳидан жой олган ва бу гуруҳдаги рақиблари – Жанубий Корея, Эрон ва Ливан билан баҳс олиб боради.
Равшан Ҳайдаров бошқарувидаги Ўзбекистон ёшлар терма жамоаси мусобақадаги илк ўйнини Ливан терма жамоасига қарши 7 январь куни ўтказади. Бу учрашув ёш футболчилар учун катта синов бўлиб, ўйинлар учун тайёргарлик кўриш, жамоанинг ёш авлодини халқаро аренада синаш имкониятини яратади.
Ўзбекистоннинг энг муҳим мақсади – келгусидаги катта турнирларга тайёргарликни ошириш, шунингдек, ҳар бир футболчининг миллий жамоадаги ўрнини аниқлаш. Мусобақа Ўзбекистон учун янги йилдаги илк халқаро турнир бўлиб, шу билан бирга жамоанинг янги таркиби ва ёш футболчиларнинг салоҳиятини намойиш этиш имконини беради.
Ўзбекистон U-21 терма жамоасининг гуруҳдаги бошқа ўйинлари қуйидаги кунларда бўлиб ўтади:
10 январь: Эрон - Ўзбекистон
13 январь: Ўзбекистон - Жанубий Корея
Ҳар бир ўйин ёш футболчиларга катта имкониятлар очиб, уларга халқаро мусобақаларда ўз салоҳиятларини намойиш этиш учун ажойиб майдон бўлади. Ушбу турнир Ўзбекистон учун келажакдаги ўсиш ва янги футбол иқтидорларини қидиришда муҳим аҳамиятга эга.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
