Сўнгги кунларда «Милан» ҳужумчиси Кристофер Нкунку атрофида трансфер миш-мишлари яна кучайди: футболчининг жамоани тарк этиши мумкинлиги ҳақида гаплар давом этмоқда. Бу ҳақда euro-football.ru хабар беради.
28 ёшли франсуз футболчига асосий даъвогар сифатида «Фенербахче» тилга олинмоқда — турк клуби юлдуз ҳужумчини қишки трансфер ойнасида ўз сафига қўшиб олишни истайди. Бироқ инсайдер Флориан Плеттенбергнинг янгиланган маълумотига кўра, Нкунку ҳозирча кетишни режалаштираётгани йўқ: у камида мавсум охиригача «Милан»да қолмоқчи.
Жорий мавсумда Массимилиано Аллегри қўл остида Нкунку 12 ўйинда 2 та гол урди ва 2 та голли узатма берди. «Россонерилар» футболчини 2025 йил ёзининг охирида «Челси»дан 38 млн еврога харид қилганди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
