Туриннинг «Ювентус» клуби А Сериянинг 18-турида ўз майдонида «Лечче»ни енга олмади ва муҳим икки очкони бой берди. Учрашувдан кейин натижадан норози бўлганлар қаторида жамоа ҳимоячиси Глейсон Бремйер ҳам бор. Бу ҳақда euro-football.ru хабар беради.
Бремйернинг айтишича, «Ювентус» баъзан айнан шундай хавфсиз кўринган вазиятларда очко йўқотиб қўяди. У бундай ўйинларда тезроқ гол уриб, кейин учрашувни назорат қилиш зарурлигини таъкидлади. Ҳимоячи ҳисобни тенглаштириш учун вақт етарли бўлганини, бироқ ғалабага эришишнинг иложи бўлмаганини ҳам қўшимча қилди.
«Лечче»га ҳурмат бажо келтирган ҳолда, Бремйер «барибир биз “Ювентус”миз, устига-устак ўз уйимизда ўйнаяпмиз — бундай ўйинларда ютиш керак», деган фикрни илгари сурди.
Кейинги турда «Ювентус» «Сассуоло»га қарши майдонга тушади.
“Zamin”ни Telegram'да ўқинг!
