«Манчестер Юнайтед»нинг собиқ дарвозабони Марк Боснич клуб Рубен Аморим истеъфосидан кейин ким бош мураббий бўлиши кераклиги ҳақида фикр билдирди. Бу ҳақда euro-football.ru хабар беради.
Эслатиб ўтамиз, 5-январ куни инглиз клуби португалиялик мутахассис Рубен Аморим билан хайрлашганини расман эълон қилди. Босничнинг фикрича, «қизил иблислар» бошқарувига инглиз мураббийи Гарет Саутгейт келиши маъқул.
«У Англия терма жамоасини тарихидаги энг оғир паллаларда қабул қилиб олган ва жамоани икки йирик натижага олиб чиққан: Европа чемпионати финали ҳамда жаҳон чемпионати ярим финали», — дея Босничнинг сўзларини BBC келтиради.
Эксперт Саутгейтнинг яна бир устун жиҳати сифатида раҳбарият билан тўғри ва самарали муносабат ўрната олишини ҳам таъкидлади.
АПЛнинг 20-туридан сўнг «Манчестер Юнайтед» 31 очко билан турнир жадвалида 6-ўринда бормоқда.
“Zamin”ни Telegram'да ўқинг!
