Давиде Фраттези фаолиятини Туркияда давом эттириш масаласида принципиал розилик билдирди. «Интер» ярим ҳимоячиси «Галатасарай» таклифини қабул қилишга тайёр ва қишки трансфер ойнасидаёқ жамоасини алмаштиришга қарши эмас. Бу ҳақда euro-football.ru хабар беради.
Sky Sport Italia хабарига кўра, Истанбул клуби келишувни 5 миллион евроли ижара кўринишида расмийлаштириш, кейин эса футболчини 30 миллион еврога мажбурий сотиб олиш шарти билан якунлашни режалаштирмоқда. Ўйинчининг розилигидан сўнг турклар «Интер» раҳбариятига расмий таклиф юборишга ҳозирлик кўрмоқда.
Шу билан бирга, Фраттезининг эҳтимолий кетиши миланликларнинг трансфер режасига катта таъсир қилмайди. «Интер»да таркиб ҳозирнинг ўзида мувозанатли, деб ҳисобланмоқда ва футболчи ўрнига зудлик билан харид қилиш кўзда тутилмаган.
“Zamin”ни Telegram'да ўқинг!
