«Ал-Наср» футболчиси Жоау Фелиш жамоанинг юлдуз ҳужумчиси Криштиану Роналду ҳақида фикр билдирди. Бу ҳақда euro-football.ru хабар беради.
Фелишнинг таъкидлашича, Роналду деярли барча футболчилар учун, айниқса меҳнат ва ўзини аямайдиган даражадаги фидойилик борасида ҳақиқий намуна. Унинг 40 ёшида ҳам юқори темпда ўйнаётгани эса жамоага қўшимча мотивация бераётганини айтди.
Португалиялик ҳужумчи 2023 йил ёзида Саудия Арабистонига йўл олган. Роналду «Ал-Наср» сафида жами 121 ўйинда майдонга тушиб, 107 гол урди ва 22 та голли узатма муаллифи бўлди.
Маҳаллий чемпионатнинг 12 туридан сўнг Роналду жамоаси иккинчи ўринда бормоқда. «Ал-Наср» етакчи «Ал-Ҳилол»дан атиги бир очко орқада қолмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
