А Серияда 19-тур доирасидаги сўнгги учрашувлар якунланди. Милан Женоага қарши ўйинда баҳснинг драматик якунида ҳисобни зўрға тенглаштириб олди. Учрашувдан кейин жамоа ярим ҳимоячиси Адриен Рабио натижани шарҳлади. Бу ҳақда euro-football.ru хабар беради.
Рабионинг таъкидлашича, Милан айниқса биринчи бўлимда бундан кўпроғини қилишга қодир эди. Унинг фикрича, бундай таркиб билан жамоа янада катта натижаларни кўрсатиши шарт. Шу билан бирга, у Интер ва Наполидаги футболчиларни кучлироқ деб ҳисоблашини яширмади, бироқ Миланда ҳам ўз имконияти, мотивацияси ва ишлаш услуби борлигини қўшимча қилди. Рабио якунда масала ким ўзининг энг кучли жиҳатларини яхшироқ ишга солишида эканини қайд этди.
Дурангдан сўнг Милан Интердан уч очкога ортда қолди. Кейинги турда Массимилиано Аллегри шогирдлари Фиорентина билан майдонга тушади.
“Zamin”ни Telegram'да ўқинг!
