«Крылья Советов» дарвозабони Сергей Песяков Валерий Карпин бошқарувидаги Россия терма жамоасининг сўнгги ўйинлари ҳақида фикр билдирди. Бу ҳақда euro-football.ru хабар беради.
Посбоннинг айтишича, жамоа кўрсатаётган натижалар ҳозирги шароитда ёмон эмас, бироқ якуний хулосалар чиқаришга ҳали эрта. Песяков расмий учрашувларгина реал кучни кўрсатишини, ўртоқлик баҳслари эса тўлиқ тасаввур бермаслигини таъкидлади.
«Ҳозирги вазиятни ва Карпиннинг талабларини инобатга олсак, натижа ёмон эмас. Кимдир рақиблар кучсиз дейди — буни аниқ баҳолаш қийин. Хулоса қилиш учун расмий ўйинлар керак», — дея Песяковнинг сўзларини «Match TV» келтирди.
Ўтган йилда Россия терма жамоаси 10 та назорат учрашувида майдонга тушиб, ижобий кўрсаткич қайд этди ва улардан 6 тасида ғалаба қозонди.
“Zamin”ни Telegram'да ўқинг!
