«Ал-Наср» собиқ футболчиси Роналду фаолиятини танқид қилди

Саудия Арабистонининг «Ал-Наср» клубида тўп сурган собиқ футболчи Ҳусайн Ал-Сулеймани 40 ёшли португалиялик ҳужумчи Криштиану Роналду ҳақида кескин фикр билдирди. Бу ҳақда euro-football.ru хабар беради.

Ал-Сулеймани ижтимоий тармоқлардаги фаолликдан кўра, футболчининг майдондаги меҳнатини кўришни исташини таъкидлади. Унинг айтишича, Роналду жамоа сардори ва етакчи сифатида кўпроқ ишлаши, ўйинда фарқ яратиши керак. «Ўтмишда нима бўлгани муҳим эмас, бу тарих. Муҳими — ҳозир жамоага қандай фойда келтираётгани», — дея Kooora Ал-Сулейманининг сўзларини келтиради.

Маълумот учун, Роналду «Ал-Наср» сафига 2023 йил январида келиб қўшилган. Жорий мавсумда у 13 учрашувда майдонга тушиб, 14 та гол уришга улгурди.

Abror Tovmurodov

«ZAMIN.UZ» муҳаррири