Хаби Алонсо "Эл Класико"да жамоасининг мағлубияти ҳақида нималар деди?

“Реал Мадрид” бош мураббийи Хаби Алонсо “Эл Класико”даги мағлубиятдан сўнг ўйин ҳақида ўз таассуротлари билан бўлишди. Унинг сўзларига кўра, баҳс жуда қизғин, рақобатбардош ва мухлислар учун қизиқарли ҳолатларда ўтди. Жамоа кўп ҳолатларда барқарорликни сақлади ва имкониятлардан самарали фойдаланишга ҳаракат қилди.

"Барқарорликда, бу жуда қизғин, рақобатбардош ва қизиқарли ўйин бўлди. Охирида бизда иккита жуда яхши имконият бўлди, биз ҳисобни тенглаштиришга жуда яқин келдик. Аммо натижа биз кутгандек бўлмади, бугунги ғалаба билан "Барселона"ни табриклаймиз.", — деб фикр билдирган Алонсо.

Алонсо таъкидлаганидек, учрашувнинг сўнгги 15 дақиқаси энг муҳим паллалардан бўлиб, унда жуда кўп воқеалар содир бўлди. “Реал Мадрид” тўпни назорат қилишда фаол бўлди ва энг қулай икки имконият ҳам айнан уларга тўғри келди. Биринчи голни ўтказиб юборишга тўғри келди, лекин жамоа характерини намоён этди ва ўйинда руҳий кўтаринликни сақлади.

Бош мураббийнинг сўзларига кўра, танаффусга 2:2 ҳисобида чиқиш жамоага иккинчи бўлимда тенг кураш олиб бориш имконини берди. Иккинчи тайм давомида рақобат жуда қизғин ўтди ва “Реал” ҳисобни тенглаштириш учун ҳаракат қилди, аммо буни амалга ошира олмади.

Алонсо сўзларини якунлаб, клуб энди бу саҳифани имкон қадар тез ёпиши, олдинга қараш, футболчиларни қайта тиклаш ва кураш руҳини қайта қуришга урғу берди. Унинг фикрича, жамоа бу тажрибадан сабоқ олиб, келгуси учрашувларда юқори натижалар учун курашни давом эттириши керак.