Инсайдер Фабритсио Романо YouTube каналида Хаби Алонсонинг «Реал»даги ишдан кетиши атрофидаги вазиятни муҳокама қилди. Унинг айтишича, мураббий ғояларини жамоага сингдиришга уринган пайтидаёқ, хусусан Клублар ўртасидаги жаҳон чемпионатида футболчилар билан тушунмовчиликлар юзага келган. Бу ҳақда euro-football.ru хабар беради.
Романо октябрдаги «эл класико»ни ҳам эслати: ўша учрашувда Алонсо Винисиусни алмаштиришга қарор қилганидан кейин бразилиялик ҳужумчи кескин норозилик билдирган. Манбага кўра, у мураббий билан қўл бериб кўришмаган ва тўғри кийиниш хонасига йўл олган, бироқ кўп ўтмай яна қайтиб чиққан.
Романо таъкидлашича, шундан сўнг Винисиус «Реал» билан янги шартнома бўйича музокараларда шошилмай, вазиятни кузатиш позициясини танлаган. Юлдуз футболчи Алонсонинг келажаги қандай бўлишини кўришни истаган.
Энди эса Алонсо жамоани тарк этганидан кейин «Реал» ва 25 ёшли Винисиус ўртасидаги музокаралар жадаллашиши мумкин. Футболчининг амалдаги шартномаси 2027 йил ўрталаригача мўлжалланган.
“Zamin”ни Telegram'да ўқинг!
