Россия терма жамоаси бош мураббийи Валерий Карпин ярим ҳимоячи Арсен Захарян билан учрашгани ҳақида маълум қилди. 22 ёшли футболчи ҳозирда Испаниянинг “Реал Сосьедад” клуби шарафини ҳимоя қилмоқда. Бу ҳақда euro-football.ru хабар беради.
Карпин сўзларига кўра, у Мадридга етиб келган ва кеча “Реал Сосьедад” — “Барселона” учрашувини стадиондан томоша қилган. Захарян ўйинда майдонга тушмаган бўлса-да, мураббий футболчи билан баҳсдан бир кун олдин суҳбатлашишга улгурган. Карпин Захарян “Селта”га қарши кейинги ўйинда жамоа сафида бўлиши мумкинлигини таъкидлади.
Шунингдек, Карпин Европа Чемпионлар лигаси доирасидаги “Реал” — “Монако” учрашувини ҳам кузатишни режалаштирмоқда. Ушбу баҳсдан сўнг у терма жамоанинг яна бир ярим ҳимоячиси Александр Головин билан ҳам учрашишини қўшимча қилди.
“Zamin”ни Telegram'да ўқинг!
