«Милан»нинг собиқ ҳужумчиси, бразилиялик Александр Пато яқин орада футболга қайтиши мумкин, аммо бу сафар майдонда эмас. У Англиянинг «Колчестер» клубида назорат пакетини сотиб олиш бўйича музокаралар олиб бормоқда. Бу ҳақда euro-football.ru хабар беради.
Ҳозир «Колчестер» League Two’да — Англия футболидаги куч жиҳатидан тўртинчи дивизионда иштирок этади. Клуб раҳбарияти бразилиялик билан бўлаётган музокараларни тасдиқлаган, Патонинг ўзи ҳам сўнгги пайтларда жамоа ўйинларида тез-тез кўриниб қолмоқда.
Данни Коули қўл остидаги жамоа айни пайтда ўзига ишонч тўплаб, натижаларини яхшиламоқда ва League One’га кўтарилиш учун кураш олиб бормоқда. Пато каби таниқли ва харизматик шахснинг келиши эса клубга медиа майдонида қўшимча туртки бериши мумкин.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
