Нидерландия терма жамоаси ҳимоячиси Дензел Дюмфрис Европанинг икки гиганти — «Барселона» ва «Манчестер Сити» эътибор марказида турибди. Sport Mediaset хабарига кўра, ҳозир «Интер» сафида тўп сураётган 29 ёшли футболчи ҳар икки клубнинг кузатув рўйхатидан жой олган. Бу ҳақда euro-football.ru хабар беради.
«Барселона»да ўнг қанот ҳимоясини кучайтириш масаласи долзарблигини сақлаб қолмоқда: клуб Жоау Канcелу келганига қарамай, Дюмфрис бу позицияда рақобат ва сифатни ошириши мумкин, деган фикр бор. «Манчестер Сити» бош мураббийи Хосеп Гвардиола ҳам нидерландиялик футболчини жамоага мос номзод сифатида кўрмоқда.
Transfermarkt портали Дюмфриснинг бозор баҳосини 25 миллион еврога тенглаштирган. Футболчининг «Интер» билан амалдаги шартномаси 2028 йилнинг ўрталаригача мўлжалланган.
“Zamin”ни Telegram'да ўқинг!
