Месси қисқа муддатга Европа майдонига қайтиши мумкин
Лионель Месси Туркиянинг «Галатасарой» клуби билан қисқа муддатли шартнома имзолаш вариантини кўриб чиқмоқда. Туркиялик журналист Левент Тюземеннинг маълум қилишича, футболчи навбатдаги жаҳон чемпионатига тайёргарлик учун ўйин амалиётига эга бўлишни истамоқда. Месси фақат Истанбулда ўтадиган уй учрашувларида майдонга тушишга рози.
Аргентина терма жамоаси ҳужумчиси Лионель Месси Туркиянинг «Галатасарой» клуби билан қисқа фурсатли шартнома имзолаш вариантини кўриб чиқаётгани хабар қилинмоқда. Бу ҳақда туркиялик журналист Левент Тюземен маълум қилди.
Манба таъкидлашича, Месси навбатдаги жаҳон чемпионатига тайёргарлик жараёнида етарли ўйин амалиётига эга бўлишни истамоқда. Шу билан бирга, у клубга ноодатий талаб қўйган — футболчи фақат Истанбулда ўтадиган уй учрашувларида майдонга тушишга рози.
Айни дамда юлдуз футболчи АҚШнинг «Интер Майами» жамоаси билан шартнома асосида ҳаракат қилмоқда. Ўтган мавсум давомида у чемпионат доирасида 34 та беллашувда иштирок этиб, 35 та гол муаллифи бўлди ҳамда жамоадошларига 28 марта голли узатма амалга оширди.
Изоҳлар 0
…