Рафинья Ямалнинг бир одатини очиқ танқид қилди
«Барселона» вингери Рафиня Ламин Ямал телефон билан кўп вақт ўтказгани сабаб кеч ухлашини айтди. Унинг сўзларига кўра, Ямал эрталабки машғулотларга доимо уйқуси келган ҳолатда келади. Рафиня ёш футболчини инжиқ эмас, балки камгап деб таърифлади ва у машғулотларнинг дастлабки соатида деярли ҳеч ким билан мулоқот қилмаслигини билдирди. «Барселона» 7 феврал, шанба куни Испания чемпионатида ўз майдонида «Малорка»ни қабул қилади.
«Барселона» жамоаси вингери Рафинья жамоадоши, ёш ҳужумчи Ламин Ямалнинг ўзига хос камчиликларидан бири ҳақида фикр билдирди.
Бразилиялик футболчининг айтишича, Ямал кундалик ҳаётида телефон билан жуда кўп вақт ўтказади ва айнан шу одат унинг кеч ухлашига сабаб бўляпти.
— Унинг ёшини инобатга олсак, телефон билан кўп шуғулланиши табиий ҳол. Эрталаб машғулотларга келганда эса Ламин доимо уйқуси келган ҳолатда бўлади. Менимча, у жуда кеч ётади. Бу кечқурун сайр қилгани учун эмас, айнан телефон сабаб. У инжиқ йигит эмас, шунчаки камгап. Машғулотнинг биринчи соатида деярли ҳеч ким билан мулоқот қилмайди, — деди Рафинья Sofascore нашрига берган интервьюсида.
Маълумот учун, «Барселона» жамоаси Испания чемпионати доирасида 7 февраль, шанба куни ўз майдонида «Мальорка» клубини қабул қилади.
Изоҳлар 0
…