Криштиану Роналду клуб бошқарувидан норози эканини очиқ кўрсатди: португалиялик юлдуз «Ал-Наср»нинг сўнгги икки учрашувида майдонга тушмади. Аввалроқ хабар қилингани каби, саудияликлар 41 ёшли футболчини қўйиб юборишга тайёр. Бу ҳақда euro-football.ru хабар беради.
Саудия Арабистонида эса Про-лигада Роналду ўрнини бошқа глобал даражадаги суперюлдуз билан тўлдириш ғояси муҳокамада. Асосий нишон — «Ливерпуль» ҳужумчиси Муҳаммад Салоҳ. Шунингдек, «Манчестер Юнайтед» ярим ҳимоячиси Бруно Фернандеш номзоди ҳам кўриб чиқилмоқда. Бу ҳақда Transfer News Live The i Paper манбасига таянган ҳолда ёзди.
ОАВ Салоҳ (33) ва Фернандеш (31)ни аввал ҳам Саудия клублари билан боғлаган эди. Transfermarkt баҳосига кўра, Салоҳнинг қиймати 30 миллион евро, Фернандешники эса 40 миллион еврони ташкил этади.
«Ал-Наср» ҳозирда Саудия Про-лигаси турнир жадвалида иккинчи ўринда бормоқда.
“Zamin”ни Telegram'да ўқинг!
