Санкт-Петербургнинг «Зенит» клубида тўп сурган Алексей Гасилин нигериялик ҳужумчи Адемола Лукманнинг «Аталанта»дан кетиши ҳақида фикр билдирди. 28 ёшли форвард фаолиятини Мадриднинг «Атлетико» жамоасида давом эттиради. Бу ҳақда euro-football.ru хабар беради.
«Лукман ҳануз яхши ҳолатда. У ўйнашни хоҳлайди, етакчи бўлиши мумкин. «Аталанта» учун бу йўқотиш эмас, футболчининг ўзи учун эса янги чақириқ ва катта плюс», — деди Гасилин «Match TV» эфирида.
Лукман «матрасчилар» билан 2030 йилнинг ўрталаригача мўлжалланган шартнома имзолади. Трансфер учун Мадрид клуби Бергамо жамоасига 35 миллион евро тўлади.
Жорий мавсум А Сериясида Адемола 12 та учрашувда майдонга тушиб, 2 та гол урди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
