Россия терма жамоаси ва Москванинг «Спартак» клубида тўп сурган Денис Глушаков французларнинг «ПСЖ» жамоасида ўйнаётган дарвозабон Матвей Сафоновнинг сўнгги чиқишлари ҳақида фикр билдирди. Бу ҳақда euro-football.ru хабар беради.
Глушаковнинг айтишича, Сафоновнинг доим эътибор марказида бўлаётгани қувонарли: у майдонда ўз ишини тўлиқ бажармоқда. Собиқ футболчи дарвозабонга муваффақиятли сериясини давом эттиришини тилади, деб ёзади Metaratings.ru.
Кеча Лига 1 доирасида «ПСЖ» — «Марсел» учрашувида россиялик голкипер асосий таркибда майдонга тушди. Сафонов дарвозасини дахлсиз сақлаб қолди, парижликлар эса 5:0 ҳисобида йирик ғалабани қўлга киритди.
Transfermarkt портали Сафоновнинг қийматини 15 миллион еврога баҳоламоқда. Унинг «ПСЖ» билан амалдаги шартномаси 2029 йил июн ойи охиригача мўлжалланган.
“Zamin”ни Telegram'да ўқинг!
