«Манчестер Сити»нинг марказий ҳужумчиси Эрлинг Ҳоланн ўзининг сўнгги ўйинлардаги самарадорлиги ҳақида фикр билдирди. Бу ҳақда euro-football.ru хабар беради.
Норвегиялик форвард 2026 йилда барча мусобақаларни қўшиб ҳисоблаганда 12 учрашувда атиги уч марта рақиб дарвозасини ишғол қилди.
«Менга янада жам бўлиш, ҳамма жиҳатдан яхшироқ ҳаракат қилиш керак — шу устида ишлашим шарт. Нега натижаларим яхши бўлмагани ҳақида гапиришни истамайман. Менимча, бунга ҳеч қандай баҳона йўқ», — дея Ҳоланннинг сўзларини ESPN келтирди.
Жорий мавсумда 25 ёшли ҳужумчи барча турнирларда 36 ўйинда майдонга тушиб, 28 та гол ва 6 та голли узатма муаллифига айланди. Ҳоланннинг «Манчестер Сити» билан шартномаси 2034 йилгача амал қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
