«Барселона»нинг собиқ футболчиси Самюел Умтити Лионел Мессининг ўйинга ёндашуви ва ғалабага бўлган талабчанлиги ҳақида фикр билдирди. Бу ҳақда euro-football.ru хабар беради.
Умтитининг айтишича, Месси учрашув тақдирини ҳал қилишга қодир футболчилардан: жамоа 4:0 ҳисобида ютаётган бўлса ҳам, ўзи гол ура олмаса, бундан қониқмас экан. Унинг тафаккурида доимий равишда гол уриш мажбурияти бўлган — бу эса буюк футболчиларга хос белги, дея таъкидлади у.
Шунингдек, Умтити Мессини жарима майдони олдида “қатл қилувчи” футболчи сифатида таърифлаб, у қачон тезликни ошириш, қачон ўйинни секинлаштириш кераклигини аниқ билишини айтди. “Лео доим атрофга қарайди, футболчиларнинг жойлашувини баҳолайди. Унга қарши қандай ҳимояланиш бўйича аниқ рецепт йўқ — у олдиндан айтиб бўлмайдиган футболчи”, — деди Умтити The Elevate House’га берган интервьюсида.
Ҳозирда Лионел Месси АҚШнинг «Интер Майами» клуби сафида тўп сурмоқда. Аргентиналик футболчи фаолияти давомида саккиз бор «Олтин тўп»ни қўлга киритган.
“Zamin”ни Telegram'да ўқинг!
