ПСЖ бош мураббийи Луис Энрике жамоа вингери Хвича Кварацхелиянинг ўйини ва ҳолати ҳақида фикр билдирди. Бу ҳақда euro-football.ru хабар беради.
Мутахассис Кварацхелиянинг соғайиб, майдонга қайтаётганидан мамнун эканини таъкидлади. Энрикенинг айтишича, клуб раҳбарияти футболчини шоширмасдан, унинг қайтишини пухта режалаштирган, чунки Квара мавсумнинг иккинчи ярмида ПСЖнинг асосий таянчларидан бирига айланиши кутилмоқда. Мураббий бу омил жамоага яна йирик совринлар учун курашишда муҳим калит бўлишини қўшимча қилди, дея иқтибос келтиради журналист Фабритсио Романо.
Жорий мавсумда 24 ёшли футболчи барча турнирларда 28 та учрашувда майдонга тушиб, 8 та гол урди ва 6 та голли узатмани амалга оширди.
Франция чемпионатининг 21-туридан сўнг ПСЖ 51 очко билан турнир жадвалида пешқадамлик қилмоқда.
“Zamin”ни Telegram'да ўқинг!
