Францияда «Лион» ҳужумчиси Эндрик олган қизил карточка билан боғлиқ эпизод қайта кўриб чиқилди. Бразилиялик футболчи Франция чемпионатида «Нант»га қарши ўйинда (1:0) майдондан четлатилганди. Бу ҳақда euro-football.ru хабар беради.
Интизомий комиссия йиғилишида қизил карточкани сариқ карточкага алмаштириш ҳақида қарор қабул қилинди. Бу 19 ёшли ҳужумчи учун иккинчи огоҳлантириш бўлгани сабабли, Эндрик бир ўйинлик дисквалификация олади.
Қайд этилишича, бразилиялик ҳужумчи бу қиш мавсумида Мадриднинг «Реал» клубидан «Лион» сафига келиб қўшилган. Футболчи француз жамоаси билан ижара асосида шартнома имзолаган.
Эндрик «Лион» таркибида ҳозирча тўртта учрашувда майдонга тушиб, учта гол ва битта голли узатмага муаллифлик қилган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
