Денис Казанский «Ньюкасл» учун турғунлик даври бошланганини айтди

Машҳур журналист Денис Казанский жорий мавсумда «Ньюкасл» кўрсатаётган натижалар борасида фикр билдирди. Бу ҳақда euro-football.ru хабар беради.

Унинг таъкидлашича, жамоа кейинги босқичга чиқиши керак, бироқ айнан шу масала энг катта муаммога айланмоқда. Казанский «Эдди Хау клубга келгач, ҳаммасини жуда тез ўзгартирганини кўрдик, шундан кейин эса мантиқан Чемпионлар лигасига йўл оласан ва плей-оффга чиқишга уриниб кўрасан. Аммо «Ньюкасл»ни АПЛда 10-ўринда кўриб, бунга ҳайрон бўлмай қўйсанг, демак бу ерда турғунлик даври бошланган», деди.

Англия чемпионатида 26 турдан сўнг «Ньюкасл» 36 очко билан жадвалнинг 10-поғонасида бормоқда. Кейинги турда Эдди Хау шогирдлари сафарда «Манчестер Сити»га қарши майдонга тушади. Учрашув 21 февраль куни бўлиб ўтади.

Sardor Ergashev

«ZAMIN.UZ» муҳаррири